Séanadh an Láithreáin Ghréasáin
Maidir le haon doiciméad ar an láithreán gréasáin seo, níl ann do bharánta ag an nGíomhaireacht um Fháil Iarnród nó ní dhéantar uiríoll ina thaobh. Níl in ábhar na leathanach seo ach treoir eolais. Tá siad ceaptha le rochtain an phobail ar fhaisnéis faoin nGníomhaireacht um Fháil Iarnród a fheabhsú. Cé go ndéantar gach iarracht an t-ábhar a réiteach lena fhoilsiú, níl aon dliteanas ar an nGíomhaireacht um Fháil Iarnród mar gheall ar mhíchruinnis nó earráidí ar na leathanaigh seo, nó ar láithreán ar bith eile a bhfuil nasc ar na leathanaigh seo chucu.
Beartas Príobháideachais
Ráiteas Ginearálta
Tá meas ag an nGníomhaireacht um Fháil Iarnród ar do cheart chun príobháideachta, agus ní bhaileofar faisnéis phearsanta ar bith fút ar an láithreán Gréasáin seo gan chead soiléir a fháil uaitse. Rachfar i ngleic le haon fhaisnéis phearsanta a thugann tú don Ghníomhaireacht um Fháil Iarnród leis na caighdeáin is airde slándála agus rúndachta, de réir na nAchtanna um Chosaint Sonraí, 1988 agus 2003.
Bailiú agus úsáid faisnéise pearsanta
Ní bhailíonn an Ghníomhaireacht um Fháil Iarnród sonraí pearsanta fút ar an láithreán gréasáin seo, taobh amuigh d’fhaisnéis a thugann tú dúinn go deonach (trí ríomhphost, téacs SMS nó an fhoirm fiosrúcháin ar líne a úsáid mar shampla). Ní sholáthraítear aon fhaisnéis a thugann tú dúinn ar an tslí seo do thríú páirtí ar bith. Ní úsáidfidh an Ghníomhaireacht um Fháil Iarnród é ach chun do chríche pearsanta. Is féidir do chuid sonraí pearsanta a úsáid chun críocha staidrimh gan ainm an údair a lua.
Do chearta maidir le sonraí a sholáthraítear via an láithreán gréasáin seo
Tá tú i dteideal cóip de do shonraí pearsanta a fháil a sholáthraíonn tú via an láithreán gréasáin seo. Chun an ceart seo a fheidhmiú, ní mór duit scríobh chuig an nGníomhaireacht um Fháil Iarnród ag an seoladh thíos, nó seol ríomhphost chuig info@rpa.ie. Ba cheart duit na sonraí pearsanta a sholáthair tú roimhe seo, via an láithreán gréasáin, a chur san áireamh (.i. Ainm; seoladh; uimhir theileafóin; seoladh ríomhphoist). Déileáilfear le d’iarratas laistigh de 40 lá.
Tá ceart agat faisnéis mhíchruinn a cheartú chomh maith. Má fhaigheann tú amach nach bhfuil faisnéis chruinn ag an oifig fút, tá an ceart agat an Ghníomhaireacht um Fháil Iarnród a ordú an fhaisnéis a cheartú. Ní mór ordú dá leithéid bheith i scríbhinn nó ar ríomhphost. Déileáilfear le d’iarratas laistigh de 40 lá.
I gcúinsí áirithe, d’fhéadfá iarraidh orthu na sonraí a sholáthraíonn tú via an láithreán gréasáin a scriosadh. Chun an ceart seo a fheidhmiú, beifear ag tnúth go n-aithneoidh tú sárú éigin ar an dlí um chosaint sonraí maidir leis an tslí a bpróiseálann an oifig seo na sonraí lena mbaineann.
Gearáin faoi shonraí a phróiseáiltear via an láithreán ghréasáin
Má tá tú buartha faoin tslí a ndéantar sonraí pearsanta a phróiseáil via an láithreán gréasáin seo, ná bíodh leisce ar bith ort ábhair dá leithéid is cúraim duit a thabhairt faoi bhráid na Gníomhaireachta um Fháil Iarnród ag na sonraí teagmhála thíos.
Bailiú agus úsáid faisnéise pearsanta
Ní úsáidtear fianáin ar an láithreán gréasáin seo, taobh amuigh d’fhianáin “seisiún” a chuireann ar chumas bhrabhsálaí gréasáin an chuairteora cuimhneamh ar leathanaigh an láithreáin ghréasáin seo ar thug tú cuairt air cheana. Má dhíchumasaítear na fianáin ón mbrabhsálaí gréasáin, is féidir le cuairteoirí an láithreán a úsáid go hiomlán fós.
Chun críocha staidrimh, coimeádann ár soláthraí idirlín taifead de shonraí teicniúla faoi chuairteanna a thugtar ar an láithreán gréasáin. Ní bhailítear faisnéis ar bith ar féidir a úsáid le cuairteoirí an láithreáin ghréasáin a aithint. Maidir leis na sonraí teicniúla, ní choimeádtar taifead ach díobh seo thíos:
- Seoladh IP fhreastalaí gréasáin an chuairteora
- Ainm fearann barrleibhéil a úsáidtear (mar shampla .ie, .com, .org, .net)
- seoladh an láithreáin ghréasáin óna tháinig an cuairteoir, lena n-áirítear na téarmaí cuardaigh a úsáidtear
- Sonraí na conaire cliceála a léiríonn an líon cuairteoirí timpeall an láithreáin ghréasáin (.i. leathanaigh a úsáidtear agus doiciméid a íoslódáiltear)
- An cineál brabhsálaí gréasáin a úsáideann an cuairteoir.
Ní dhéanann an Ghníomhaireacht um Fháil Iarnród iarracht ar bith cuairteoirí aonair a aithint, nó nasc a chruthú idir sonraí teicniúla agus duine aonair ar bith. Is é beartas na Gníomhaireachta um Fháil Iarnród gan sonraí teicniúla dá leithéid a nochtadh faoi chuairteoirí aonair, an láithreáin ghréasáin, do thríú páirtí ar bith (seachas an soláthraí idirlín, a dhéanann taifead de shonraí ar ár son, atá faoi cheangal forálacha rúndachta ina thaobh) mura rud é go bhfuil oibleagáid orthu faisnéis dá leithéid a nochtadh mar gheall ar aon riail dlí. Ní úsáidfidh an Ghníomhaireacht um Fháil Iarnród na sonraí teicniúla ach chun críocha staidrimh agus riaracháin eile amháin. Ba chóir duit tabhairt faoi deara nach ionann sonraí teicniúla, nach féidir linn nasc a chruthú eatarthu agus daoine aonair, agus “sonraí pearsanta” chun críocha an nAchtanna um Chosaint Sonraí, 1988 & 2003.
Gluais téarmaí teicniúla a úsáidtear
Brabhsálaí Gréasáin – Na bogearraí a úsáideann tú chun leathanaigh ghréasáin a léamh. Is samplaí de seo iad Microsoft Internet Explorer, Netscape Navigator agus Opera.
Seoladh IP – Sonraí aitheantais do ríomhaire (nó ríomhaire do chuideachta idirlín) a léirítear trí chód “Prótacal Idirlín" (192.168.72.34 mar shampla). Tá seoladh leithleach IP ag gach ríomhaire a bhfuil nasc leis an idirlíon aige, cé go bhféadfadh nach ionann an seoladh gach uair.
Fianáin – Píosaí beaga faisnéise, a stóráiltear i gcomhaid shimplí téacs, a chuirtear ar an ríomhaire trí láithreán gréasáin. Is féidir fianáin a léamh le linn cuairteanna ina dhiaidh sin. D’fhéadfadh faisnéis, a stóráiltear i bhfianán, bheith bainteach le do nósanna brabhsálaithe ar an láithreán gréasáin, nó uimhir leithleach aitheantais le go n-aithneofar thú ar an láithreán gréasáin an chéad uair eile a thugann tú cuairt air. Go ginearálta, ní stóráiltear faisnéis phearsanta i bhfianáin lenar féidir tú a aithint, mura rud é gur thug tú faisnéis dá leithéid don láithreán gréasáin.
Má tá moladh ar bith agat faoi láithreán gréasáin na Gníomhaireachta um Fháil Iarnród, nó má theastaíonn uait rud a rá faoi, seol ríomhphost chuig webmaster@rpa.ie le do thoil.
Seoladh poist:
An Ghníomhaireacht um Fháil Iarnród, Ionad Gnó Gheata na Páirce, Sráid Gheata na Páirce, Baile Átha Cliath 8, Éire
FÓGRA DLÍ
Faisnéis Dlí
LÉIGH NA TÉARMAÍ AGUS COINNÍOLLACHA LE DO THOIL. MÁ LEANANN TÚ ORT AG BAINT ÚSÁIDE AS AN TSEIRBHÍS AR AN LEATHANACH SEO, MEASFAR GUR GHLAC TÚ LEIS NA TÉARMAÍ AGUS COINNÍOLLACHA
Fógra Cóipchirt
Mura ndéarfar a mhalairt, is leis an nGníomhaireacht um Fháil Iarnród an cóipcheart agus ceart ar bith eile maidir le gach ábhar ar an láithreán seo. Tá cead agat ábhar a phriontáil agus a íoslódáil ón láithreán gréasáín seo ar an mbonn seo a leanas:
- Ní féidir doiciméid agus grafaicí lena mbaineann ar an láithreán gréasáin seo a úsáid ach chun críocha pearsanta agus/nó faisnéise amháin;
- Ní féidr aon chóip de na leathanaigh seo, atá sábháilte ar dhiosca nó ar mhodh eile stórála, a úsáid ach le féachaint orthu nó le habháir iontu a chur i gcló chun críocha pearsanta.
- Ní cheadaítear doiciméad nó grafaic lena mbaineann ar an láithreán gréasáin seo a leasú ar shlí ar bith.
- Ní cheadaítear na grafaicí ar an láithreán gréasáin seo a úsáid gan an téacs a ghabhann leo.
- Ní cheadaítear aon chuid den láithreán gréasáin seo a atáirgeadh nó a stóráíl ar láithreán gréasáín eile nó a chur san áireamh i gcóras aisghabhála príobháideach nó poiblí eile gan cead a fháil ón nGíomhaireacht um Fháil Iarnród roimh ré.
- Ní cheadaítear ainm nó lógó an RPA a úsáid nó a léiriú gan cead a fháil uathu roimh ré.
Tá aon cheart nach ndeonaítear sna Téarmaí agus Coinníollacha seo ar cosaint.
Téarmaí agus Coinníollacha maidir le hÚsáid
Is é an RPA a sholáthraíonn rochtain agus úsáid an láithreáin ghréasáin seo de réir na dTéarmaí agus Coinníollacha seo a leanas.
- Má úsáideann tú an láithreán gréasáin seo, is ionann sin agus a rá go nglacann tú leis na Téarmaí agus na Coinníollacha a thagann in éifeacht an chéad uair a úsáideann tú an láithreán seo. Coimeádann an Ghíomhaireacht um Fháil Iarnród an ceart aici féin na Téarmaí agus na Coinníollacha seo a athrú am ar bith trí athruithe a phostáil ar líne. Is tusa atá freagrach as athbhreithniú a dhéanamh ar fhaisnéis ar líne le fógra tráthúil a fháil i dtaobh athruithe dá leithéid. Má leanann tú ort ag úsáid an láithreáin ghréasáin seo agus athruithe curtha air, is ionann sin agus a rá go nglacann tú leis an gconradh mar a leasaítear le hathruithe é.
- Cé go ndéanann RPA a dhícheall le cinntiú go bhfuil an láithreán seo ar fáil 24 uair a chloig in aghaidh an lae, níl aon dliteanas ar an nGníomhaireacht um Fháil Iarnród mar gheall ar chúis ar bith nach bhfuil rochtain ar an láithreán seo am ar bith.
- D’fhéadfaí rochtain ar an láithreán seo a chur ar fionraí, go sealadach nó go buan, gan fógra a thabhairt ina thaobh.
- Cé go ndéanann an Ghníomhaireacht um Fháil Iarnród a dhícheall le cinntiú go bhfuil an fhaisnéis ar an láithreán seo cruinn, ní thugtar le tuiscint go bhfuil aon bharánta, ná níl ann do bharánta ar a chruinneas. Níl aon dliteanas ar an nGníomhaireacht um Fháil Iarnróid mar gheall ar earráidí nó mhíchruinneas.
- Is ann d’ábhar ar chuid den láithreán seo a chuir tríú páirtithe faoi bhráid na Gníomhaireachta um Fháil Iarnród. Tá tríú páirtithe freagrach as a chinntiú go gcomhlíonann ábhar - a chuirtear faoina bráid le cur ar an láithreán seo - an dlí náisiúnta agus an dlí choigríche lena mbaineann. Ní féidir leis an nGníomhaireacht um Fháil Iarnród ráthaíocht a thabhairt ar chruinneas an ábhair seo, agus séantar leis seo, go sainráite, freagracht as earráid, easnamh nó míchruinneas san ábhar, míthuiscint nó aon chaillteanas, díomá, fáilí nó damáiste de thoradh bheith ar iontaoibh ábhar an láithreáin seo, nó cliseadh/cliseadh líomhnaithe i seachadadh seirbhísí a dtagraítear dóibh anseo, nó i gcás féimheachta cuideachta ar bith, duine aonair nó gnólacht a dtagraítear dó anseo, má leachtaítear iad nó má tá siad ar scor de thrádáil. Ba chóir cruinneas agus saolré na faisnéise a dhaingniú tríd na forais lena mbaineann.
- Ní bheidh an RPA faoi dhliteanas i dtaobh aon damáiste (lena n-áirítear, gan teorainn, damáistí mar gheall ar ghnó nó brabúis a chailltear) a eascraíonn as conradh, as tort nó as slí eile, ó bheith ag baint úsáide as, nó gan a bheith ábalta úsáid a bhaint as an láithreán greásán seo, nó as aon ábhar atá ann, nó aon bheart nó cinneadh a dhéantar mar thoradh ar bheith ag úsáid an láithreáin ghréasáin seo nó ábhair dá leithéid.
- Ní ghlacann an RPA aon fhreagracht as ábhar láithreán gréasáin a bhfuil nasc hipirtéacs ar an láithreán gréasáin seo chuige. Soláthraítear naisc dá leithéid mar áis duit ar bhonn “mar atá” gan bharánta, sainráite nó intuigthe, i leith na faisnéise a sholáthraítear iontu.
- Má chinnfear aon cheann de na Téarmaí agus Coinníollacha seo a bheith neamhdhleatheach, neamhbhailí, nó neamh-infheidhmithe ar chúis eile, beidh Téarmaí agus Coinníollacha dá leithéid tearbhaithe agus scriosta ón gclásal lena mbaineann. Beidh na Téarmaí agus na Coinníollacha eile ar marthain, beidh feidhm acu agus leanfaidh siad de bheith ina gceangal agus de bheith feidhmithe.
- Trí rochtain a fháil ar aon chuid den láithreán gréasáin seo, meastar gur ghlac tú leis na Téarmaí agus na Coinníollacha seo go hiomlán, go gcuimsíonn na Téarmaí agus Coinníollacha a leagtar amach anseo an Comhaontú iomlán. I gcás nach nglacann tú le, nó nach féidir leat glacadh le haon cheann de na Téarmaí agus na Coinníollacha seo, nó leo go léir, am ar bith, ba chóir duit gan úsáid a bhaint as an láithreán gréasáin seo a thuilleadh.
- Beidh na Téarmaí agus na Coinníollacha seo faoi rialú, agus forléireofar iad de réir dhlithe na hÉireann. Géilleann na páirtithe d’údarás chúirteanna na hÉireann. Ní chuirfidh sé sin, áfach, cosc ar an RPA leanúint le héileamh maidir le sárú conartha, sárú cóipchirt nó eile maidir leis na Téarmaí agus Coinníollacha ar an láithreán seo nó i ndlínse ar bith eile
- Soláthraíonn an RPA an láithreán seo “mar atá” agus “mar atá ar fáil” gan bharánta ná coinníoll, sainráite nó intuigthe. Go háirithe (ach gan teorainn), ní thugann an RPA baránta go mbeidh an láithreán seo ag oibriú gan briseadh, go mbeidh sé tráithiúil, daingean nó saor ó earráidí. Ní thugann an RPA baránta go bhfuil an láithreán seo nó a bhfuil air saor ó víris agus níl an RPA freagrach as aon dochar a dhéantar do do mhaoin ó bheith ag úsáid an láithreáin seo.
- Trí bheith ag úsáid an láithreáin seo, ní dhéanfaidh tú ráitis neamhdhleathacha, mhímhorálta, ghríosaitheacha, nó chlúmhillteacha a phostáil air nó ar aon chuid de. Nó ní dhéanfaidh tú aon ábhar a phostáil air nó a chur faoina bhráid a d'fhéadfadh bheith ina chúis don RPA aon dlí is infheidhme a shárú.