Forbhreathnú ar/Cur chuige i leith Chomhairliúchán Poiblí an RPA
Féachann an RPA le teagmháil a dhéanamh leis an bpobal agus le daoine aonair go díreach ar shlí shoiléir, shimplí agus ghonta trí Litreacha Nuachtáin, na Meáin Chumarsáide (Nuachtáin, an Teilifís & Raidió), Laethanta Oscailte agus ar www.rpa.ie
Cuireann an RPA fáilte roimh ionchur dearfach ón bpobal i gcoitinne maidir le gach tionscadal ag céimeanna éagsúla forbartha.
Le linn dóibh Roghanna Bealaigh a aithint, cuirtear fáilte roimh an bpobal a chur in iúl don RPA cad é an bealach is fearr a fhreastalóidh ar an bpobal ar an iomlán, dar leo, nó cad iad na roghanna bealaí is fearr a chuirfear le chéile, nó mar rogha air sin, cad é an bealach ionadúil is fearr.
A luaithe atá an dearadh curtha i gcrích, déanann an RPA iarratas ar an mBord Pleanála le haghaidh Ordú Iarnróid. Cuireann an RPA an t iarratas ar Ordú Iarnróid ar fáil don phobal tríd na húdaráis áitiúla, ár láithreán gréasáin agus ár n-oifigí. Tugann an Bord Pleanála tuairimí an phobail san áireamh agus machnamh á dhéanamh acu ar an iarratas ar Ordú Iarnróid ón RPA.
Le linn chéim tógála na dtionscadal go léir, leanann an RPA de bheith ag dul i gcomhairle le daoine aonair, grúpaí, pobail, gnóthaí agus údaráis áitiúla ar bhonn leanúnach leis an gcleachtas is fearr a chinntiú sa réimse seo.
Ag céim ar bith tionscadail de chuid an RPA, tá an ceart ag an bpobal an reachtaíocht um Shaoráil Faisnéise a úsáid chun faisnéis a fháil.