Téarmaí Tagartha
Bunaíodh an Ghníomhaireacht um Fháil Iarnród (an RPA) mar Chomhlachas Neamhspleách Reachtúil ar Ordú an Aire, an 28 Nollaig 2001, tar éis an tAcht Iompair (Bonneagar Iarnróid) 2001 a rith. Is é seo a leanas sainchúram an RPA:
- Soláthar bonneagar iarnróid éadroim agus metro a dhaingniú, nó a sholáthar, de réir mar a chinneann an tAire Iompair ó am go ham
- Monatóireacht a dhéanamh ar thuarascálacha rialta faoi shábháilteacht bonneagair an iarnróid éadroim agus metro, agus iad a fhoilsiú
- Comhaontuithe a dhéanamh le daoine eile le soláthar bonneagar iarnróid dá leithéid a dhaingniú, cibé acu trí lamháltas, trí chomhfhiontar, trí chomhpháirtíocht phríobháideach phoiblí nó eile
- Talamh le hais oibreacha iarnróid a fháil agus a éascú, faoi réir iarratais ar ordú iarnróid, i gcás ina gcuirfidh an fháil agus an fhorbairt sin le hinmharthanacht eacnamaíoch na n-oibreacha iarnróid sin
- Córas Ticéadaithe Comhtháite a fhorbairt le haghaidh iompar poiblí in Éirinn, a dhíreoidh ar dtús ar Mhórcheantar Bhaile Átha Cliath.