Léargas Ginearálta
Céimeanna i dTionscadail RPA a Fhorbairt
Roghanna Bealaigh a Shainaithint Is é sin an chéad chéim sa phróiseas chun líne Luas nó Metro a fhorbairt. Tar éis staidéir réamh-chéimeanna a dhéanamh, seolann RPA próiseas comhairliúcháin poiblí lena mbaineann roghanna bealaigh féideartha a fhoilsiú. Cuirtear an méid sin le heolas eile a bhaineann leis na roghanna líne beartaithe lena n-áirítear stadanna, iosta, agus áiseanna um Pháirceáil agus Tiomáin féideartha. Leagfaidh RPA amach an critéar a úsáidfear chun an rogha bealaigh foriomláin a roghnú.
Bealach a Roghnú
Ag an gcéim sin beidh athbhreithniú déanta ag RPA ar aighneachtaí ón bpobal agus roghnófar an bealach is fearr ó na roghanna agus/nó na foroghanna a bhí ar fáil ag an gcéim Roghanna Bealaigh a Shainaithint. Tá RPA ag céim Bealach a Roghnú tar éis na Stadanna féideartha a shainaithint agus príomhréimsí ina shínfear an líne féideartha.
Dearadh Líne agus Stad
Tar éis an rogha bealaigh is fearr a roghnú díreoidh comhairliúchán poiblí ar an ailíniú ceart, stadanna lena n-áirítear socruithe chun rochtain ar stadanna, struchtúir ghaolmhara agus réiteach ar bhainistíocht tráchta a chinntiú.
Cead Tógála agus Oibrithe
Ag an gcéim sin déanann RPA iarratas ar chead tógála agus oibrithe chuig an Bord Pleanála chun Líne Luas nó Metro a fhorbairt. Tar éis Ordú Iarnroid a dheonú, glacann RPA gach eolas ó na céimeanna reatha d’fhonn líne iarnróid eadrom a thógáil agus a oibriú. Ag an gcéim sin tugann RPA cuireadh do chonraitheoirí féideartha a gcuid seirbhísí a sholáthar chun an líne a thógáil.
Tógáil
Ag an gcéim sin de thionscadal a fhorbairt chuir conraitheoirí agus fochonraitheoirí RPA tús leis an líne iarnróid eadrom faofa a thógáil bunaithe ar na líníochtaí deartha. Ag an gcéim sin cuirfear tús le hoibreacha ullmhúcháin lena n-áirítear fóntais, bunsraitheanna rianta, obair thógála a stopadh agus tírdhreachú. Cinnteoidh RPA go gcuirfear críoch le gach obair thógála chun an líne a thógáil ar bhealach sábháilte de réir na gcoinníollacha a leag an tOrdú Iarnróid amach chun cead a thabhairt an líne a thógáil.
Oibríochtaí
Tar éis an tástáil réamhoibríochtúil rathúil den líne, cuirfidh RPA tús le seirbhísí oibríochtúla paisinéirí den líne nua tríd an oibritheoir roghnaithe. Tabharfaidh réimse leathan de chainéil meáin eolas ar tháillí, amchláir, sceideal, minícíocht agus áiseanna/suíomhanna um Pharcáil agus Tiomáin chuig an bPobal i gcoitinne. Cuirfidh an t-oibritheoir Luas/Metro tús leis an líne nua i gceart, nuair a bheidh RPA sásta go bhfuil feidhm oibríochtúil an líne ar aon dul le ceanglais sábháilteachta agus reachtaíochta.
Céimeanna Tógála
Oibreacha a Ghlanadh
Oibreacha Ullmhúcháin
Oibreacha Fóntais
Oibreacha Tógála agus Suiteála (Fostáisiúin agus Stadanna etc)
Oibreacha Riain
Oibreacha Suiteála Cumhachta (Córas Cáblaithe Lasnairde)
Oibreacha Bailchríche
Tástáil Réamhoibríochtúil