Nuair a bheidh an Luas Bhré agus An Fásach Rua (Líne B2) ag obair beidh sí ina cuid de Líne Uaine an Luas agus beidh seirbhísí á reáchtáil ar fud na líne ar fad ag an nOibritheoir Luas atá faoi chonradh. Ar feadh thréimhse iomlán an chonartha idir an RPA agus an oibritheoir déanfaidh an RPA monatóireacht ar na gníomhaíochtaí oibríochtúla go léir ar an líne de shíor ar an gcuma céanna agus atá á dhéanamh againn ar Líne Dhearg agus Líne Uaine an Luas atá ann cheana féin.
Cuirfidh Oibritheoir an Luas eolas ar tháillí, chláir ama, sceideal, mhinicíocht agus ar áiseanna/ionaid páirceála agus taistil ar fáil trí fhógraí clóbhuailte agus ar an raidió, trí nuachtlitreacha, theachtaireachtaí ar shuíomh idirlín agus ar laethanta oscailte don bpobal. Tá i gceist leis seo an oiread daoine is féidir a chur ar an eolas faoi ghnáthoibríochtaí na Línte Luas trí bhealaí éagsúla na meán.